Sekretari Amerikan i Shtetit ka njoftuar se Shtetet e Bashkuara do të revokojnë zyrtarisht nesër, më 8 korrik, klasifikimin si organizatë terroriste të huaj për grupin Hayat Tahrir al-Sham (HTS) — një organizatë që ka udhëhequr rebelimin kundër regjimit të Bashar al-Assad në Siri, përcjell YNetNews.
Ky vendim vjen në përputhje me angazhimin e presidentit Donald Trump për të lehtësuar sanksionet ndaj Sirisë, me synimin për të nxitur një proces politik dhe për të çliruar fluks ndihmash dhe investimesh në rajonet e kontrolluara nga opozita siriane.
Revokimi i këtij statusi do të hyjë në fuqi nga nesër dhe përbën një ndryshim të madh në politikën amerikane ndaj krizës siriane, pasi SHBA e kishte përfshirë HTS në listën e organizatave terroriste që prej vitit 2018 për lidhjet e saj të mëparshme me al-Kaedën. Sipas zyrtarëve të Departamentit të Shtetit, ky vendim është marrë pas një “rishikimi të plotë” të rolit aktual të grupit në konfliktin sirian dhe pas sinjaleve se HTS ka ndryshuar drejtim dhe strukturë ideologjike.
