Elon Musk tha të enjten se kompania e tij SpaceX do fillojë çmontimin e anijes kozmike Dragon “menjëherë” për shkak të kërcënimeve të Presidentit Donald Trump për të anuluar kontratat qeveritare me bizneset e Musk.
Njoftimi i Musk, në faqen e tij të mediave sociale X, erdhi mes një lufte fjalësh në rritje me Trump që filloi pasi kreu i Tesla-s kritikoi projektligjin tatimor që po mbështetet nga presidenti republikan, shkruan CNBC.
“Pas deklaratës së Presidentit për anulimin e kontratave të mia qeveritare, @SpaceX do fillojë çmontimin e anijes kozmike Dragon menjëherë”, shkroi Musk.
Dragon është mundësia e vetme amerikan për dërgimin e ekuipazhit për në dhe nga Stacionin Ndërkombëtar Hapësinor.
Një kapsulë Dragon solli astronautët e NASA-s Butch Ëilmore dhe Suni Ëilliams përsëri në Tokë në mars, pasi dyshja mbetën të bllokuar për muaj të tërë në ISS nga një kapsulë Boeing Starliner.
SpaceX është një nga kontraktorët më të mëdhenj federalë. Që nga viti 2008, SpaceX ka marrë më shumë se 20 miliardë dollarë në kontrata nga NASA, Forcat Ajrore dhe agjenci të tjera.
Sipas faqes së internetit të SpaceX, “Anija kozmike Dragon është e aftë të transportojë deri në 7 pasagjerë për në dhe nga orbita e Tokës, dhe më gjerë.”
“Është e vetmja anije kozmike që fluturon aktualisht dhe është e aftë të kthejë sasi të konsiderueshme ngarkesash në Tokë dhe është e para anije kozmike private që çon njerëzit në stacionin hapësinor”, thotë kompania.
