Vokshi shpall emrat e 150 fituesve për Këshillin Kombëtar të PD-së: I dhamë fund kryetarokracisë

Komisioni Qendror i numërimit të votave në Partinë Demokratike ka shpallur emrat fitues të Këshillit Kombëtar pas votimeve të zhvilluara ditën e djeshme në Kuvendin e PD.

420 kandidatë garonin për 150 vende në Këshillin Kombëtar të PD-së.

Në deklaratën për shtyp në selinë blu Albana Vokshi lexoi emrat fitues ku mes tyre ishin emrat e Bujar Kapexhiut, Ilir Alimehmetit, Rudina Hajdarit, Muslim Murrizit, Jamarbër Malltezit etj apo edhe ish-deputetëve dhe ish-ministrave gjatë qeverisjes Berisha.

Deputetja Albana Vokshi deklaroi se ky ka qenë një proces transparent që i jep fund kryetarokracisë ndërsa shtoi se numërimi i votave është transmetuar Live për hërë të parë në historinë e partive politike në Shqipëri.

“Nisja e Kuvendit Kombëtar të Partisë Demokratike shënoi një ditë historike. Në PD është kthyer besimi te vota e lirë. Delegatët dje ishin të zgjedhur me votën e anëtarësisë së degëve të tyre. PD jo vetëm i votoi në transparencë të plotë por për herë të parë, një parti politike i numëroi votat Live.

Ju keni qenë dëshmitarë që dje në këtë sallë kanë qenë të vendosura tavolinat dhe 5 kamera që transmetonte Live. Ka qenë i transmetuar edhe në rrjeteve sociale derisa ka përfunduar numërimi në orët e para të mëngjesit. Ka qenë një proces jo i lehtë pas fletët ishin me 425 emra ndërsa shumë fletë kishin edhe 140 emra. Mendoni sa e vështirë ka qenë. Ndaj na mori më shumë kohë për të dalë para jush”, deklaroi ajo.

Vokshi theksoi se 30% e këshillit kombëtar përbëhet nga zonja ndërsa shtoi se 50% vijnë nga FRPD dhe LDG

“30% e këshillit kombëtar duhet të përbëhet nga zonja. Para se të lexoj listën dua të theksoj që pas një analize që kemi bërë rezulton se janë 50% e anëtarësisë të këshillit të ri kombëtar të ardhur nga organizatat partnere të PD, FRPD dhe LDG. Është një arritje. PD sot jo vetëm që është më e fortë dhe më e bashkuar”, u shpreh ajo.

Emrat e fituesve