Mediet amerikane shkruajnë se Joe Biden e ka gati emrin për atë që do emërojë si Sekretar të Shtetit, pasi të marrë zyrtarisht detyrën e presidentit.
New York Times shkruan se Biden ka ndërmend të emërojë në këtë pozicion Antony J. Blinken, këshilltari i tij më i afërt i politikës së jashtme.
Blinken, i cili është një ish-zëvendës sekretar i shtetit kur president ishte Barack Obama, e filloi karrierën e tij në Departamentin e Shtetit gjatë administratës së Bill Clintonit.
Shefi i shtabit të ardhshëm të Shtëpisë së Bardhë Ron Klain tha të dielën se Biden synonte të fillonte zbulimin e anëtarëve të Kabinetit të tij ditën e martë dhe Blinken pritet të jetë ndër nominimet e para.
