Një vjedhje është zbuluar në ambientet e shkollës 9-vjeçare “Besëlidhja” në Lezhë.
Sipas burimeve paraprake, persona ende të paidentifikuar dyshohet se kanë hyrë në ambientet e shkollës dhe kanë marrë disa kompjuterë.
Burime bëjnë me dije se autorët dyshohet të kenë prekur edhe regjistrat e shkollës, çka mund të ndihmojë hetuesit për të kuptuar më mirë qëllimin e vjedhjes.
Ngjarja është konstatuar pak më parë dhe pritet të verifikohen kamerat e sigurisë për të identifikuar autorët. Ndërkohë, policia është njoftuar dhe pritet të nisë hetimet për zbardhjen e plotë të rastit.
