Forcat amerikane kanë sekuestruar një tjetër cisternë në Detin Karaibe, ndërsa administrata e Donald Trump vazhdon përpjekjet për të kontrolluar eksportet e naftës venezuelane.
Cisterna Olina, e përfshirë në listat e sanksioneve të disa vendeve, është anija e pestë e kapur nga SHBA-ja në javët e fundit.
Sipas zyrtarëve amerikanë, këto operacione synojnë të ushtrojnë presion ndaj qeverisë së përkohshme të Venezuelës dhe të nxjerrin jashtë përdorimit atë që njihet si “flota e errët”, e përbërë nga mbi 1,000 cisterna që transportojnë naftë të sanksionuar ose të paligjshme.
“Forcat tona të përbashkëta dërguan sërish një mesazh të qartë: nuk ka strehë të sigurt për kriminelët,” deklaroi Komanda Jugore e Ushtrisë Amerikane të premten.
Kapja e “Olina”-s dhe operacioni
Anija raportohet se u largua nga ujërat venezuelane të dielën mbrëma, pak pasi SHBA-ja sekuestroi presidentin Nicolás Maduro në një operacion të kryer herët në mëngjes.
Zyrtarët thanë se operacioni i së premtes u krye para agimit nga marinsat dhe marinarët amerikanë, në bashkëpunim me Departamentin e Sigurisë Kombëtare, duke sekuestruar cisternën pasi “u largua nga Venezuela duke tentuar të shmangte forcat amerikane”.
Sekretarja e Sigurisë Kombëtare, Kristi Noem, shkroi në X se bëhej fjalë për një tjetër cisternë të “flotës fantazmë” të dyshuar për transport të naftës së embarguar.
Ajo publikoi edhe një video që tregonte trupa amerikane teksa zbrisnin nga helikopteri mbi kuvertën e anijes, duke e përshkruar operacionin si “të sigurt” dhe “efektiv”.
Kompania e vlerësimit detar Vanguard Tech tha se cisterna tentoi të çante bllokadën detare amerikane në Karaibe. Ajo po lundronte nën një flamur të rremë të regjistruar në Timor-Leste, sipas Organizatës Ndërkombëtare Detare.
Gjurmuesi i vendndodhjes së anijes kishte qenë i fikur për 52 ditë, nordlindje të Curacao-s, një praktikë karakteristike për cisternat që shmangin sanksionet.
Sipas SHBA-së, “Olina” ishte sanksionuar një vit më parë nën emrin Minerva M, pasi akuzohej për ndihmë në financimin e luftës së Rusisë në Ukrainë duke transportuar naftë ruse drejt tregjeve të huaja.
Dy cisterna të tjera të sekuestruara këtë javë
Më herët gjatë javës, SHBA-ja njoftoi sekuestrimin e dy cisternave të tjera të lidhura me eksportet e naftës venezuelane, në operacione të njëpasnjëshme në Atlantikun e Veriut dhe Karaibe.
Njëra prej tyre ishte Marinera, me flamur rus, e kapur me ndihmën e Marinës Mbretërore të Britanisë, e cila ofroi mbështetje logjistike nga ajri dhe deti.
“Marinera” dyshohet se ishte pjesë e një flote të fshehtë që transporton naftë për Venezuelën, Rusinë dhe Iranin, duke shkelur sanksionet amerikane.
Zyrtarët thanë se anija kishte ngritur në mënyrë të rreme flamurin e Guajanës muajin e kaluar, duke e bërë atë de facto stateless.
Cisterna tjetër, M/T Sophia, dyshohet se po kryente “aktivitete të paligjshme”.
Ekspertët i thanë BBC se, sipas ligjit detar ndërkombëtar të OKB-së, autoritetet kanë të drejtë të bordin një anijeje pa shtetësi.
Presidenti Donald Trump deklaroi se Venezuela, vendi me rezervat më të mëdha të naftës në botë, “do t’i dorëzojë” SHBA-së deri në 50 milionë fuçi naftë, me vlerë rreth 2.8 miliardë dollarë.
Sipas Sekretarit të Shtetit Marco Rubio, kjo naftë do të shitet “në treg me çmimet e tregut”, ndërsa SHBA-ja do të vendosë si do të shpërndahen të ardhurat “në mënyrë që të përfitojë populli venezuelan”.
