Ministrat e Brendshëm të Bashkimit Evropian miratuan të hënën një paketë të gjerë reformash për politikën e migracionit, duke riformësuar procedurat e azilit, rregullat e dëbimit dhe mekanizmat e solidaritetit mes shteteve anëtare – pas vitesh përplasje politike, përcjell DW.
Pikat kryesore të reformës së migracionit në BE:
Dëbime të përshpejtuara dhe rritje të kapaciteteve të ndalimit.
Përdorimi i listave të “vendeve të treta të sigurta” dhe “vendeve të origjinës së sigurta” për të përshpejtuar procedurat.
Krijimi i një fondi solidariteti prej 430 milionë euro.
Plan shtesë për 21,000 relokime brenda BE-së.
Tre opsione solidariteti për vendet anëtare: relokime, kontribute financiare, ose masa alternative.
Vendet nën presion më të madh: Qipro, Greqia, Italia dhe Spanja.
Sipas ministrave, këto ndryshime synojnë refuzimin dhe kthimin më të shpejtë të personave që nuk plotësojnë kriteret për azil.
Danish ministri Rasmus Stoklund deklaroi:
“Do të jemi në gjendje të refuzojmë njerëz që nuk kanë arsye për azil në Evropë… dhe t’i kthejmë më shpejt. Nuk duhet të jenë kontrabandistët që kontrollojnë aksesin në Evropë.”
Komisioneri evropian për migracionin, Magnus Brunner, shtoi se paketa synon të rikthejë besimin e publikut:
“Është e rëndësishme t’u japim njerëzve ndjesinë se kemi kontroll mbi atë që po ndodh.”
Kritikat: Të drejtat e njeriut në rrezik
Organizatat e të drejtave të njeriut e kanë dënuar reformën. Amnesty International paralajmëroi se ndryshimet i afrohen ashpërsisë së politikave të administratës Trump.
Olivia Sundberg Diez e Amnesty International i bëri thirrje eurodeputetëve që ta bllokojnë paktin, duke paralajmëruar se masat “do t’u shkaktojnë dëm të thellë migrantëve dhe komuniteteve pritëse.”
Ndërsa eurodeputetja franceze e të Gjelbërve, Melissa Camara, i quajti ndryshimet:
“Një heqje dorë nga vlerat tona themelore dhe të drejtat e njeriut.”
