Drejtoria Vendore e Policisë Shkodër, në bashkëpunim me komisariatet në varësi dhe Njësinë e Sigurisë Publike, vijon me intensitet zbatimin e operacionit policor të koduar “Koordinata”, i cili ka si objektiv goditjen e rasteve të kultivimit të bimëve narkotike në territorin e qarkut.
Si rezultat i kontrolleve të ushtruara në zona të ndryshme malore dhe rurale, janë konstatuar dhe asgjësuar në total 1,723 bimë të dyshuara narkotike Cannabis Sativa. Ja detajet sipas njësive administrative:
Në njësitë administrative Shosh, Pult, Postribë dhe Shalë: Policia e Shkodrës gjeti dhe asgjësoi 1060 bimënarkotike. Për këtë rast, janë proceduar penalisht në gjendje të lirë, për veprën penale “Shpërdorimi i detyrës”, 6 kryetarë fshatrash:
N. Sh. (kryetar i fshatit Plan)
D. V. (kryetar i fshatit Kir)
K. K. (kryetar i fshatit Palaj)
D. V. (kryetar i fshatit Pecaj)
L. L. (kryetar i fshatit Nenmavriq)
P. Sh. (kryetar i fshatit Gimaj)
Në njësinë administrative Kastrat (Malësi e Madhe): Policia asgjësoi 521 bimë narkotike, nga të cilat 165 bimëu zbuluan në fshatin Vukpalaj. Për këtë rast, janë arrestuar babë e bir, shtetasit:
P. D., 64 vjeç
B. D., 32 vjeç
Të dyshuar si autorë të kultivimit në një sipërfaqe të hapur, pranë tokës që ata kishin në përdorim.
Në njësinë administrative Temal (Vau i Dejës): U gjetën dhe asgjësuan 142 bimë të dyshuara cannabis sativa.
Policia njofton se kontrollet intensive do të vijojnë, ndërkohë që po punohet për identifikimin dhe kapjen e autorëve të tjerë të përfshirë në aktivitetin kriminal të kultivimit të kanabisit.
Operacioni “Koordinata” është në zhvillim e sipër dhe përfshin të gjithë territorin e qarkut Shkodër.
