Nëntë persona gjetën vdekjen pasi një zjarr shpërtheu në një qendër për të moshuarit në Massachusetts, SHBA gjatë natës, duke i lënë banorët të varur nga dritaret duke bërtitur për ndihmë, sipas autoriteteve.
Zjarrfikësit u thirrën në qendrën për të moshuar në “Gabriel House” në Fall River rreth orës 9:50 të mbrëmjes së së dielës, konfirmoi Departamenti i Shërbimeve të Zjarrfikësve i Massachusetts për Fox News.
Me të mbërritur, ata gjetën pjesën e përparme të ndërtesës të përfshirë nga flakët dhe tymi i dendur dhe menjëherë hynë brenda për të filluar shpëtimin e banorëve ndërsa punonin për të shuar zjarrin, thanë zyrtarët.
Disa të moshuar u shpallën të vdekur në vendngjarje, ndërsa mbi 30 persona u transportuan në një spital lokal me shkallë të ndryshme lëndimesh, sipas zyrtarëve. Pesë zjarrfikës pësuan lëndime jo kërcënuese për jetën, ndërsa një individ mbetet në gjendje kritike.
Përafërsisht 70 persona banojnë në qendrën për të moshuarit. Shkaku i zjarrit është aktualisht nën hetim.
