27 palestinezë u vranë dhe dhjetëra të tjerë u plagosën nga të shtënat pranë një vendi shpërndarjeje ushqimi në Gazën jugore të martën, thanë zyrtarët e shëndetësisë në enklkavë, në ditën e tretë të kaosit dhe gjakderdhjes që ka dëmtuar operacionin e ndihmës.
Ndërsa Ministria e Shëndetësisë dhe një pjesë e mediave kanë deklaruar se viktimat kanë ardhur nga të shtënat e ushtrisë izraelite, kjo e fundit i ka hedhur poshtë akuzat.
Ushtria izraelite tha se forcat e saj kishin hapur zjarr ndaj një grupi njerëzish që i shihnin si kërcënim pasi ata u larguan nga një rrugë e caktuar hyrjeje pranë qendrës së shpërndarjes në Rafah dhe iu afruan pozicioneve të tyre. IDF shtoi se ende po hetonte se çfarë kishte ndodhur.
Zëdhënësi i qeverisë izraelite, David Mencer, u tha gazetarëve: “IDF nuk qëlloi civilët brenda ose pranë zonave të shpërndarjes së ndihmës humanitare.”
Historia erdhi një ditë pasi ambasadori amerikan Mike Huckabee kërkoi që CNN dhe media të tjera të tërhiqnin raportimin e rremë për dhjetëra palestinezë të vrarë në një vend të Fondacionit Humanitar të Gazës (GHF) të dielën.
Forcat Mbrojtëse të Izraelit (IDF) raportuan se forcat e tyre kishin qëlluar, gjysmë kilometri larg vendit të ndihmës, ndaj disa personave që ishin shmangur nga rruga dhe kishin anashkaluart të shtënat paralajmëruese.
IDF shtoi: “Trupat e IDF nuk po pengojnë mbërritjen e civilëve të Gazës në vendet e shpërndarjes së ndihmës humanitare. Të shtënat paralajmëruese u qëlluan afërsisht gjysmë kilometri larg vendit të shpërndarjes së ndihmës humanitare drejt disa të dyshuarve që përparuan drejt trupave në një mënyrë të tillë që përbënte një kërcënim për ta.”
Vdekjet erdhën disa orë pasi Izraeli tha se tre ushtarë të tij ishin vrarë në luftimet në Gazën veriore, ndërsa forcat e tij vijuan me një ofensivë disamujore kundër militantëve të Hamasit që e ka shkatërruar pjesën më të madhe të enklavës.
Reuters nuk mundi të verifikonte në mënyrë të pavarur raportet në Gazën veriore dhe jugore.
