OPEC ra dakord të rrisë prodhimin e naftës me 411,000 fuçi në ditë për të tretin muaj radhazi, duke përforcuar një ndryshim historik të politikës që ka bërë që çmimet e naftës së papërpunuar të fundosen.
Vendet kryesore të udhëhequra nga Arabia Saudite ranë dakord gjatë një videokonference të shtunën për të shtuar sasinë në treg në korrik, sipas delegatëve. Rritja vjen pas rritjeve po aq të mëdha të planifikuara për maj dhe qershor, të cilat thyen me vite përpjekje të grupit për të mbështetur çmimet globale të naftës dhe e zvarritën naftën e papërpunuar në nivelin më të ulët të katër viteve.
Gjatë diskutimeve të së shtunës, Rusia rekomandoi një puhsim në rritjen e furnizimit, thanë delegatët, i cili kërkoi të mos i përmendej emri.
Nafta ra shkurtimisht nën 60 dollarë për fuçi në prill pasi Organizata e Vendeve Eksportuese të Naftës dhe aleatët e saj njoftuan fillimisht se do forconin prodhimin me trefishin e sasisë së planifikuar, edhe pse kërkesa e lëkundur dhe tarifat e presidentit Trump po shtypnin tregun. Që atëherë, kontratat e së ardhmes janë rikuperuar në afërsisht 64 dollarë në Londër.
Delegatët kanë ofruar një sërë shpjegimesh për strumbullarin e Riadit, i cili kishte kaluar vite duke mbrojtur çmimet e larta të naftës duke kufizuar furnizimet.
Zyrtarët kanë sugjeruar se mbretëria po përpiqet të qetësojë Presidentin Trump, ose të rimarrë pjesën e tregut që u është dorëzuar shpuesve amerikanë dhe rivalëve të tjerë. Disa pohojnë se OPEC thjesht po kënaq kërkesën e fortë, ndërsa të tjerë thonë se Arabia Saudite kërkon të ndëshkojë anëtarë si Kazakistani dhe Iraku për mashtrimin e kuotave të tyre të prodhimit.
VINI RE: Ky material është pronësi intelektuale e Bloomberg
