Ministrat e Financave të G7 u zotuan të vendosin sanksione ndaj Rusisë nëse ajo nuk bën përparim drejt paqes me Ukrainën, në një shfaqje mbështetjeje për Kievin pasi SHBA sinjalizoi se mund të tërhiqet nga përpjekjet për të zgjidhur konfliktin.
Në një komunikatë të lëshuar pas një samiti treditor në qytetin kanadez të Banff, ministrat e Financave të G7-ës dhe guvernatorët e bankave qendrore premtuan “mbështetjen e tyre të palëkundur” për Ukrainën dhe u zotuan të shqyrtojnë të gjitha mundësitë “për të maksimizuar presionin” ndaj Moskës nëse një armëpushim nuk arrihet shpejt.
Ministrat e Financave të G7-ës përdorën komunikatën për të përcaktuar angazhimet për të mbajtur të ngrira disa asete ruse dhe për të mbështetur investimet e sektorit privat në Ukrainë, shkruan FT.
Ata thanë se nëse nuk arrihet një armëpushim midis Rusisë dhe Ukrainës, “ne do të vazhdojmë të shohim të gjitha mundësitë, përfshirë shtimin e mëtejshëm të sanksioneve”.
