Kreui Adidas Bjoern Gulden planifikon të shkurtojë deri në 500 vende pune në selinë qendrore të kompanisë sportiev gjerman në Herzogenaurach, i tha Reuters të enjten një burim që mori pjesë në një takim.
Prodhuesi i dytë më i madh në botë i veshjeve sportive punëson rreth 5800 njerëz në qytetin bavarez.
Një zëdhënëse e Adidas nuk pranoi të konfirmojë numrin, por tha se struktura e kompanisë ishte “shumë e ndërlikuar në një botë që ndryshon vazhdimisht”.
Në vitet e fundit, Gulden ka filluar të decentralizojë kompaninë dhe të zhvendosë përgjegjësinë nga selitë në tregjet individuale. Ai ka theksuar vazhdimisht se kompania duhet të kthehet në rrugën e rritjes përpara se të trajtojë çështjet e personelit.
Të martën, Adidas prezantoi shifra paraprake më të mira se sa pritej për vitin 2024, me një rritje prej 11% në shitje dhe një fitim operativ prej 1.34 miliardë euro.
