Një aksident ka ndodhur mesditën e sotme në Shkozet të Durrësit.
Një 22-vjeçare teksa drejtonte automjetin e saj ka përplasur një këmbësore të moshuar. Ngjarja ndodhi rreth orës 13:10, në lagjen nr. 14 të Durrësit.
Një automjet me drejtuese shtetasen K. K, 22 vjeçe, ka përplasur shtetasen këmbësore B. M., rreth 80 vjeçe, e cila ndodhet nën kujdesin e mjekëve.
Drejtuesja e mjetit është shoqëruar në ambientet e komisariatit të policisë Durrës për veprime të mëtejshme, ndërsa grupi hetimor ndodhet në vendngjarje për të sqaruar plotësisht rrethanat e aksidentit.
