Vendosni fjalën kyçe....

Bordi i Transparencës rrit sërish çmimin e naftës: Po monitorojmë ecurinë e bursave për të reaguar sa më shpejt


Bordi i Transparencës ka rritur çmimin e naftës duke e çuar atë në 265 lekë për litër. Në mbledhjen e sotme u vendos ulja me 20 lekë e çmimit të benzines.

Bordi bën me dije se çmimet do vlejnë deri në mbledhjen e ardhshme të bordit.

Në njoftim bëhet me dije se bordi është në mbikëqyrje të vijueshme të ecurisë së bursave për të reaguar sa më shpejt.

Njoftimi

“Rritet sërish çmimi i naftës, ulet me 20 lekë të vjetra çmimi i benzinës.

Bordi i Transparencës në datë 17 Qershor 2022, në mbledhjen e radhës vendosi:

Çmimi i shitjes me pakicë i nënproduktit gasoil i standardit SSH EN 590 të jetë 265 lekë/litri, ndërsa i shitjes me shumicë 253 lekë/litër.

Çmimi i shitjes me pakicë i nënproduktit benzinë e standardit SSH EN të jetë 241 lekë/litri,ndërsa i shitjes me shumicë 229 lekë/litër.

Çmimi i shitjes me pakicë i nënproduktit gaz, të jetë 86 lekë/litri me pakicë dhe i shitjes me shumicë 74 lekë/litër për automjetet.

(Shënim: çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).

Çmimet e caktuara nga Bordi do të hynë në fuqi sot datë 17 Qershor ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

Jemi në monitorim të vazhdueshëm të ecurisë së bursave, me qëllim reagimin sa më të shpejtë.”