Presidenti serb Aleksandar Vuçiç ka thirrur një takim të Këshillit të Sigurisë Kombëtare më 13 maj.
Ky vendim i tij vjen pas vendimit të Kosovës për të aplikuar për anëtarësim në Këshillin e Evropës. Sipas Vuçiçit, me këtë Prishtina ka shkelur marrëveshjen e Uashingtonit.
“Me këtë veprim, Prishtina ka shkelur edhe një marrëveshje që ka nënshkruar, e ajo është Marrëveshja e Uashingtonit. Ata e kanë shkelur brutalisht atë.”- ka thënë Vuçiç sipas REL.
Më herët ditën e sotme, zëvendëskryeministrja dhe ministrja e jashtme e Kosovës, Donika Gërvalla, ka dorëzuar aplikimin e Kosovës në këtë Këshill.
