Dy vëllezër janë arrestuar në Tiranë pasi akuzohen se kanë tentuar të vrasin me thikë një person.
Në pranga kanë rënë 23-vjeçari Anxhelo Dashi e 26-vjeçari me iniciale Endrit Dashi., banues në Selitë të cilët akuzohen se kanë qëlluar me thikë 45-vjeçarin Vladimir Mersini.
Gjatë kontrollit vëllezërve u është kapur edhe thika.
Njoftimi
“Tentuan të vrisnin me mjet prerës një 45-vjeçar, vihen në pranga dy vëllezër.
Specialistët për Hetimin e Krimeve në Komisariatin e Policisë Nr. 2 bënë arrestimin në flagrancë të shtetasve:
– A. D., 23 vjeç dhe E. D., 26 vjeç, (vëllezër), banues në Selitë, për veprat penale “Vrasja me dashje”, e kryer në bashkëpunim mbetur në tentativë dhe “Prodhimi, mbajtja, blerja, apo shitja pa leje e armëve të ftohta”.
Këta dy shtetas, gjatë një konflikti për motive të dobëta, në rrugën “Prokop Mima”, kanë tentuar të vrasin me mjet prerës shtetasin V. M., 45 vjeç, banues në Selitë. Në cilësinë e provës materiale u sekuestrua mjeti prerës (thika). Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.”
