Qytetarët në Prishtinë dalin në protestë kundër shtrenjtimit të rrymës

Qytetarët në Prishtinë dalin në protestë kundër shtrenjtimit të rrymës

Në Prishtinë është mbajtur një protestë kundër shtrenjtimit të energjisë elektrike e organizuar Partia Sociademokrate (PSD).

Me pankartat, ”Ju e rrisni çmimin, ne rezistencën”, “Krejt rrogat në rrymë”, “Krejt dhe shtrenjtë”, “Lypëm dritë, gjetëm terr” dhe thirrjet “Populli i bashkuar ka për të fituar”, qytetarët kanë shprehur pakënaqësitë e tyre ndaj propozimit të Zyrës së Rregullatorit të Energjisë (ZRRE) për tarifat e reja të energjisë.

Protestuesit janë nisur nga sheshi Zahir Pajaziti drejt godinës të Qeverisë së Kosovës.

Kryetari i PSD-së, Dardan Molliqaj, ka thënë se propozimi i ZRRE-së duhet të kthehet mbrapa, pasi në të kundërtën do të ketë protesta çdo ditë.

Aktivistët e PSD-së kanë hedhur qirinj dhe poçe elektrike në drejtim të Qeverisë, si shenjë revolte.

Molliqaj u përplas me policinë në hyrje të godinës qeveritare kjo pasi policia nuk i lejoi drejtuesit e PSD-së t’u drejtohen protestusve para hyrjes së objektit të qeverisë.

Më pas policia pas tensioneve lejoi që fjalimet të mbaheshin nga shkallët e godinës qeveritare.