Një makinë ka dalë nga rruga dhe ka rënë nga 50 metra lartësi.
Aksidenti ka ndodhur në rrugën e fshatit Bënç në Tepelenë.
Shoferi i makinës “Benz”, raporton Abc News, ka shpëtuar mrekullisht dhe është dërguar në spitalin rajonal të Tepelenës ku ndodhet jashtë rrezikut për jetën.
Në vendngjarje ka shkuar policia e cila vijon hetimet për shkaqet e aksidentit. Paraprakisht dyshohet se ka qenë lagështia në rrugë që ka bërë që makina të dalë jashtë kontrollit.
