Një zjarr ka rënë në katin e parë të godinës që shërben si spitali Covid 3 në QSUT për trajtimin e të sëmurëve me Covid-19.
Zjarri ka rënë në ambiente ku nuk ka pacientë të shtruar, në një nga zyrat e administratës.
Në vendngjarje kanë shkuar zjarrfikësit të cilët po bëjnë të mundur shuarjen e flakëve.
“Me datë 27.11.2021, te spitali “Covid 3” ka rënë zjarr në një nga zyrat e administratës, ku ka vetëm dëme materiale.
Shërbimet zjarrfikëse kanë bërë të mundur fikjen e zjarrit.
Grupi Hetimor është në vendngjarje dhe po punon për sqarimin e rrethanave të rënies së zjarrit“-njofton policia.
