Juventusi ka shënuar fitoren e dytë radhazi në Serie A, teksa mposhti në “Allianz Stadium” Sampdorian me rezultat të ngushtë 3:2, në ndeshjen e vlefshme për javën e gjashtë në Serie A.
Serinë e golave e hapi Paulo Dybala në minutën e 10-të kur realizoi pas asistimit nga Locatelli.
Leonardo Bonucci shënoi nga pika e bardhë në minutën e 43-të, por një minutë më pas Sampdoria ngushtoi epërsinë përmes Yoshidas.
Pas asistimit te goli i parë, Locatelli arriti të shënonte vet në minutën e 57-të të ndeshjes.
Candreva ngushtoi epërsinë në 3:2.
Me këtë fitore,”zonja e vjetër” shkon në kuotën e tetë pikëve në vendin e nëntë me dy fitore dy barazime dhe dy humbje nga gjashtë ndeshjet e para.
Në anën tjetër, Sampdoria mbetet e 14-ta me pesë pikë të grumbulluara.
