Francezët i kanë dhënë lamtumirën Jean Paul Belmondos, aktorit të madh, që u nda nga kjo jetë tri ditë më parë.
Me muzikën e Enio Morricones, muzikë e një prej filmave më të dashur për publikun ku Belmondo luante “Zhos Profesionistin”, u vendos që të shoqërohej trupi i aktorit, ndërsa në sfond kishte shumë duartrokitje.
Aktori Jean-Paul Belmondo, një nga yjet më të mëdhenj të kinemasë franceze të pasluftës, buzëqeshja karizmatike e të cilit ndriçoi ekranin për gjysmë shekulli, ka ndërruar jetë në moshën 88-vjeçare në shtëpinë e tij në Paris.
Me fizikun e boksierit dhe hundën e thyer, Belmondo u bë fytyra kryesore e kinemasë franceze në vitet ‘60, raporton “France 24”.
Revista “Time” në vitin 1964 e shpalli Belmondon fytyrën e Francës moderne.
