Kandidati për Deputet, Ervin Salianji, ka komentuar thirrjet për dorëheqje të Lulzim Bashës pas humbjes në zgjedhjet e 25 prillit.
Salianji tha se në korrik do zhvillohen zgjedhjet për kryetar në PD dhe aty do të shprehen qëndrimet nëpërmjet votës.
Salianji deklaroi se nuk është parë që njerëz që nuk kanë bërë fushatë të kërkojnë dorëheqjen.
“Në korrik PD ka zgjedhje për kryetarin e saj dhe të gjitha qëndrimet do t’i shprehë nëpërmjet votës. Ku është parë ndonjëherë të dalin njerëz që nuk kanë bërë një ditë fushatë të kërkojnë dorëheqjen. Unë do të respektoj vendimin që do të marrë anëtarësia e PD. Demokratët do të shprehet kur të jetë data e vendosur”-deklaroi Salianji.
