Një krim brenda familjes ka ndodhur në Bathore. Agron Tanushi dyshohet se ka qëlluar për vdekje kunatën e tij, Jetmira Hasani.
Krimi i rëndë ka ndodhur në rrugën ‘Apollonia’ ndërsa nuk dihet ende dinamika e ngjarjes.
Autori i dyshuar është larguar me shpejtës nga vendi i ngjarjes ndërsa policia i është vënë pas për ta kapur.
Njoftimi
Më datë 15.09.2020, rreth orës 17:40, në Bathore, në rrugën “Apollonia”, pas një konflikti të çastit, për motive ende të paqarta dyshohet se shtetasi A.T., ka vrarë me armë zjarri kunatën e tij, shtetasen J.H. Menjëherë forca të shumta policie kanë shkuar në vendngjarje dhe kanë rrethuar zonën ku vijon krehjen e zonës për kapjen e autorit. Gjithashtu është ngritur Grupi hetimor dhe nën drejtimin e Prokurorisë po vijon puna për sqarimin dhe dokumentimin e plotë të rrethanave të ngjarjes.
