Policia franceze ka marshuar në protestë përmes Parisit, duke thënë se qeveria po u mohon atyre mjetet mbrojtëse të domosdoshme për të ruajtur jetën lidhur me protestat që kanë shpërthyer në vend pas vdekjes së afro-amerikanit George Floyd.
Një sindikatë e policisë franceze organizoi një marshim proteste nga Harku i Triumfit drejt Shamp Elizesë të premten në mëngjes, me dhjetëra automjete policie që u mblodhën para monumentit simbol të Parisit.
Një furgon mbante një poster ku tregonte pamje grafike të lëndimeve të marra nga policia në krye të detyrës dhe fjalët: “Kush po masakron?” Një slogan tjetër pyeti pse askush nuk po fliste për urrejtjen dhe sulmet fizike ndaj policëve.
Protesta, e organizuar nga Aleanca e Policisë Kombëtare, vjen si përgjigje ndaj një vendimi të marrë në fillim të kësaj jave nga Ministri i Brendshëm, Christophe Castaner, i cili ndaloi përdorimin e disa teknikave frenuese.
