Monica Lewinsky po punon për realizimin e një seriali, për skandalin e seksit me ish-presidentin Bill Clinton.
“The Guardian” shkruan se Lewinsky është një ndër producentet në një seri të re të “Impeachment: American Crime Story” që përqendrohet në skandalin e seksit të Bill Clinton.
Kjo seri e re do të rrëfejë çështjen famëkeqe midis ish-presidentit amerikan Clinton dhe ish-praktikantes në Shtëpinë e Bardhë, Monica Lewinsky, dhe procedurat e mëpasme të thirrura kundër tij nga Dhoma e Përfaqësuesve e SHBA-ve.
Beanie Feldstein do të luajë rolin e Lewinsky, ndërsa Sarah Paulson do luajë si Linda Tripp, punonjësja civile që regjistroi fshehurazi thirrjet telefonike të 22-vjeçares me presidentin 27 vjet më të madh.
Seriali do të dalë në premierë në shtator të vitit 2020 në SHBA, dhe pritet të transmetohet shumë shpejt në Mbretërinë e Bashkuar.
Dy seritë e mëparshme të “Amerikan Crime Story” janë treguar në “BBC Two” në Mbretërinë e Bashkuar, si pjesë e marrëveshjes së sindikatës së transmetuesit me SHBA-në.
Seriali është përshtatur nga Murphy nga libri i Jeffrey Toobin për historinë e presidentit. Murphy e përzgjodhi librin në vitin 2017, por i mbylli planet për ta sjellë atë në TV vitin e kaluar pasi nuk donte ta realizonte pa kontributin e Lewinsky.
“American Crime Story” ka marrë shumë vlerësime kritike dhe vlerësime të larta për rrëfimet e ngjarjeve historike të viteve të fundit në SHBA.
Sezoni i parë “The People Vs OJ Simpson”, i vitit 2016 fitoi gjithsej nëntë çmime Emmy për trajtimin e çështjes së vrasjes në 1994 kundër ish-lojtarit amerikan të futbollit OJ Simpson.
Drama fitoi edhe tre Emmy të tjera në vitin 2018 për sezonin e saj të dytë, ku u trajtua vrasja e vitit 1997 e stilistit të modës Gianni Versace.
