7 thasë me kanabis janë kapur nga policia në pikën e kalimit kufitar të Morinit.
Mësohet se droga po transportohej për në Kosovë nga një shtetas shqiptar me inicialet N.B, i cili ka rënë në prangat e policisë.
‘Strukturat e Antitrafikut pranë Drejtorisë së Përgjithshme të Doganave në bashkëpunim me Policinë kanë kapur një sasi të konsiderueshme lëndësh narkotike të tipit kanabis sativa.
Këto struktura kanë ndaluar shtetasin me inicialet N.B. i cili ka tentuar të kalojë kufirin shqiptar drejt Kosovës, nëpërmjet pikes së kalimit kufitar të Qafë Morinës’, thuhet në njoftimin e Policisë.
