I dyshuari kryesor në sulmet e Christchurch në mars, ka deklaruar se është jo fajtor për të gjitha akuzat.
Siç shkruan “BBC“, Brenton Tarrant akuzohet për vrasjen e 51 njerëzve, ndaj tij ka 40 akuza për vrasje në tentativë dhe një akuzë për terrorizëm për ngjarjen tragjikë që ndodhi në Zelandën e Re më 15 mars.
28-vjeçari nuk u paraqit fizikisht në sallën e gjyqit por përmes një videoje. Ai nuk tha asnjë fjalë, përveçse kur konfirmoi se dëgjonte gjykatësin.
Ai vetëm shikonte drejt kameras e herë herës ngërdheshej. Kur avokati i tij lexoi pjesën ku deklarohej ‘jo fajtorë’, ai qeshi dhe në një moment, i shkeli syrin kameras.
Kjo është hera e parë që bëhet një akuzë për terrorizëm në Zelandën e Re.
Gjykatësja e Lartë e Drejtësisë ,Cameron Mander tha se gjykimi për rastin ishte caktuar më 4 maj të vitit të ardhshëm dhe se Tarrant do të kthehej në paraburgim deri në një shqyrtim të rastit në 16 gusht.
Në paraqitjen e tij të fundit para gjykatës në prill, ai u urdhërua t’i nënshtrohej vlerësimeve të shëndetit mendor për të përcaktuar nëse ai ishte i aftë për t’u gjykuar.
Në mars, Tarrant sulmoi dy xhami në këtë vend të Zelandës së Re, duke lënë të vdekur 51 persona. Por ajo që e bën akoma më të rëndë ngjarjen, është se e transmeto gjithçka live në “Facebook”. 17 minuta xhirimeve nga ngjarja u panë nga miliona njerëz derisa “Facebook” u detyrua të hiqte videon.
Xhamia Al Noor, një nga xhamitë ku ndodhi sulmi
