Vendosni fjalën kyçe....

Ishte në kërkim, arrestohet në Tiranë 52-vjeçari i dënuar me 10 vjet burg (VIDEO)


Një tjetër i kërkuar për trafik të narkotikëve vihet nën pranga. Policia e Tiranës ka arrestuar një 52-vjeçar me inicialet F.M, i cili rezulton i dënuar me 10 vjet e 6 muaj burg  nga Gjykata e Apelit për Krimet e Rënda.

52-vjeçari akuzohet për “Trafikimi i narkotikëve, kryer në bashkëpunim”, si edhe për Falsifikimi i letërnjoftimeve i pasaportave ose vizave”.

“Shërbimi i Forcës së Posaçme Operacionale në zbatim të planit të masave për “Rritjen e paramterave të sigurisë, intesifikimin e masave investiguese, operacionale lidhur me gjetjen e personave në kërkim”, lokalizuan, kapën dhe ndaluan shtetasin:

– F.M, 52 vjeç, banues në Tiranë.

Ky shtetas ishte i shpallur në kërkim pasi, më datë 18.12.2018, Gjykata e Apelit për Krimet e Rënda e ka dënuar me 10 vjet e 6 muaj burg, për veprën penale “Trafikimi i narkotikëve, kryer në bashkëpunim”

Gjithashtu gjatë kontrollit Policia gjeti dhe sekuestroi edhe disa dokumente në gjuhën italiane të cilat dyshohet se mund të jenë të falsifikuara.

Në përfundim të veprimeve ky shtetas u procedua edhe për veprën penale “Falsifikimi i letërnjoftimeve i pasaportave ose vizave”.

Materialet në ngarkim të këtij shtetasi u referuan për veprime të mëtejshme Prokurorisë për Krime të Rënda, Tiranë”, thuhet në njoftimin e policisë.