Ditën e sotme në Këlcyrë qytetarët kanë protestuar kundër shembjes së banesave të tyre. Ish-kreu i grupit parlamentar të Partisë Demokratike, Tritan Shehu ishte gjithashtu në protestë, ku e ka konsideruar rastin në Këlcyrë të ngjashëm me atë në Astir.
Sipas Shehut e vetmja formë për ta frenuar këtë “abuzivitet” në Këlcyrë janë protestat, ashtu siç vepruan qytetarët tek zona e “Astirit”.
“Ndal projekteve korruptive, arrogances se rregjimit, shkaterrimit te pronese privte e hedhjes ne rruge te banoreve!
Kjo u protestua sot se bashku ne Kelcyre kunder kesaj qeverisje dhe atij kryetari bashkie aty, qe pa asnje transparence dhe argumentimi duan te shkaterrojne dhjetra godina e shtepi.
Nje “projekt rekteativ” ky, sic e quajne, kunder te cilit eshte shprehur edhe Keshilli Bashkiak ne terresi.
Vetem protesta e vazhduar mund ta ndaloje kete “Astir” te dyte.”, shkruan Shehu.
Banorët e Këlcyrës protestojnë prej disa ditësh përpara Bashkisë, për shkak se 30 objekte, banesa dhe biznese rrezikojnë që të prishen në kuadër të projektit për pedonalen në qytet.