Vendosni fjalën kyçe....

“Rama s’i justifikon dot 300 milionë lekët e vilës në Surrel as duke u fshehur pas fustanit të gruas” – Dokumenti


Partia Demokratike ka deklaruar se kryeministri Rama i ka gënjyer shqiptarët për pasurinë e tij që në ditën e parë që është ulur në karrigen ku qëndron ende.

Në një deklaratë për mediat nga ana e deputetet Pampuri, theksohet se kreu i qeverisë nuk i justifikon sot 400 milionë lekët e deklaruar për shtëpinë e Surrelit as me paratë e bashkëshortes së tij, Linda Rama.

Sipas PD-së, kjo është një vepër që e çon në burg kreun e qeverisë pasi çifti kryeministror nuk ka deklaruar të ardhura të mjaftueshme për të justifikuar të paktën 300 milionë lekë.

Deklarata e Pampurit

Edi Rama i ka gënjyer shqiptarët për pasurinë e tij që ditën e pare, kur u ul në karrigen e kryeministrit të vendit.

Kreu i qeverisë së Shqipërisë nuk justifikon të paktën 300 milionë lekë, me të cilat thotë se ka ndërtuar shtëpinë. Kjo është një vepër që të çon në burg.

Edi Rama nuk mund t’i gënjejë dot më shqiptarët se shtëpinë në Surrel e ka bërë me kursimet e gruas.

Faktet janë e zeza mbi të bardhë në deklaratën e tij të pasurisë. Çifti kryeministror nuk ka deklaruar aq të ardhura, sa të justifikojnë ndërtimin e një shtëpie superluksoze me vlerë 400 milionë lekë.

Partia Demokratike po publikon sot dokumentet zyrtare që provojnë se të ardhurat e deklaruara të Edi Ramës dhe të të ardhurat e gruas së tij nuk kalojnë vlerën e 100 milionë lekëve dhe nuk justifikojnë dot vlerën 400 milion lekë të shtëpisë në Surrel.

Në vitin 2011, përpara nisjes së ndërtimit të shtëpisë, Edi dhe Linda Rama kanë deklaruar se, të dy bashke, zotërojnë rreth 80 milionë lekë.

Në vitin 2012, Edi Rama ndërton shtëpinë e tij në Surrel dhe, kur mori detyrën e kryeminisyrit një vit më vonë, deklaron se ka shpenzuar plot 400 milion lekë për ndërtimin e saj, pra plot 5 herë më shumë sesa kursimet që kishte gjendje çifti Rama.

Sipas deklaratës së pasurisë që vetë kanë dorëzuar në 2013-ën, rezulton se, pasi kanë deklaruar shtëpinë 400 milionë lekë, pra, pasi kanë shpenzuar kursimet e jetës, 80 milionë lekë, Edi dhe Linda Rama jo vetëm nuk kanë deklaruar borxh, por pasuria e tyre është shtuar, duke deklaruar se kanë gjendje plot 92 milion lekë.

Dokumentat zyrtarë faktojnë se të ardhurat e Edi Ramës më 2013-ën nuk e justifikojnë dot vlerën 400 milionë lekë të shtepisë superluksoze në Surrel.

Ne do t’i vëmë në dispozicion çdo gazetari deklaratat e pasurisë së Edi dhe Linda Ramës. Nëse nuk çensurohen, gazetarët dhe redaksitë e lajmeve mund të vetifikojnë vërtetësinë e pohimeve të Partisë Demokratike se Edi Rama ka gënjyer me deklaratën e pasurisë.

Për Kryeministrin e Shqipërisë ka sot vetëm një pyetje:

Ku i gjeti Edi Rama 400 milionë lekë për ndërtimin e shtëpisë superluksoze më Surrel, kur, bashkë me gruan, kishte deklaruar vetëm 80 milionë lekë kursime?

Ka ardhur koha që Edi Rama i oxhakut 18 mijë euro të pergjigjet dhe të mos fshihet më pas fustanit të gruas.

Deklarimi i Pasurisë nga kryeministri Rama

EDI RAMA 2011

1 EDI RAMA 2013

2 EDI RAMA 2013


Leave a Reply

Your email address will not be published. Required fields are marked *