Kryeministri Edi Rama ka reaguar sërish për audipërgjimin e Agron Xhafajt e cila ka sjellë reagime të mëdha mes kampeve politike.
Përmes një postimi në Twitter Rama ironizon Bashën, ndërsa se cilëson atë ‘artist’. Në këtë linjë kreu i qeverisë pohon se të vërtetën nuk e mbulon njeri.
“Po Artist po, këtë aktorin mund ta gënjenit dy herë,edhe kur e futët në rrugën e burgut me filmin,edhe kur i thatë jepi,shpif për Taulantin që të shpëtosh nga burgu!Po si i bëhet të vërtetës o Artist,të vërtetës që s’ka mbushës e analist kazani që e mbulon dot?E di, në hall je”, shprehet Rama ndaj Bashës.
Duhet të themi se një ditë më parë ai që pretendohej nga Prokuroria si dëshmitari kyç, Fredi Alizoti në zbardhjen e së vërtetës për audiopërgjimin e Agron Xhafajt ka ndryshuar qëndrim 180 gradë.
Në një përgjim të ri ai ka deklaruar se nuk janë ekponentët e PD-së që kanë dashur ta joshin me lekë, por në makinë e ka marrë Ardi Veliu (Drejtori i Policisë) dhe i ka dhënë kafe Taulant Balla.
