Xhered Kushner është tërhequr nga projekti i planifikuar për ndërtimin e hotelit Trump në Beograd, pasi projekti shkaktoi protesta dhe një aktakuzë ndaj një politikani të lartë serb, shkruan sot Wall Street Journal.
Sot Prokuroria kundër Krimit të Organizuar ngriti aktakuzë ndaj ministrit Nikola Selakovic dhe tre personave të tjerë në çështjen “Shtabi i Përgjithshëm”.
“Meqenëse projektet e rëndësishme duhet të bashkojnë, e jo të përçajnë, dhe nga respekti për popullin e Serbisë dhe qytetin e Beogradit, ne e tërheqim aplikimin tonë dhe tërhiqemi në këtë moment”, deklaroi zëdhënësi i kompanisë private investuese të Kushnerit, Affinity Partners.
Prokuroria Publike kundër Krimit të Organizuar ka ngritur sot aktakuzë ndaj ministrit të Kulturës Nikola Selaković, Sekretares së Ministrisë së Kulturës Slavica Jelace, ushtruesit të detyrës së drejtorit të Institutit Republikan për Mbrojtjen e Monumenteve të Kulturës Goran Vasic dhe ushtruesit të detyrës së drejtorit të Institutit për Mbrojtjen e Monumenteve të Kulturës të Qytetit të Beogradit, Aleksandar Ivanovic, lidhur me paligjshmëritë gjatë heqjes së statusit të pasurisë kulturore nga ndërtesat e “Shtabit të Përgjithshëm”, thuhet në njoftim.
Sipas prokurorisë, të dyshuarit akuzohen se kanë kryer dy vepra penale: shpërdorim të detyrës zyrtare sipas nenit 359 paragrafi 1 dhe falsifikim të dokumenteve zyrtare sipas nenit 357 paragrafi 2 në lidhje me paragrafin 1 të Kodit Penal.
Selaković u mor në pyetje më 4 dhjetor në Prokurorinë për Krim të Organizuar në cilësinë e të dyshuarit, ku paraqiti mbrojtjen e tij.
Pas marrjes në pyetje, Selaković bëri për mediat një sërë akuzash ndaj Prokurorisë për Krim të Organizuar. Në deklaratën e tij, ai e quajti prokurorinë një “sëmundje autoimune”, duke theksuar se bëhet fjalë për një “bandë kriminale bllokuese që ka uzurpuar një pjesë të shtetit dhe të sistemit shtetëror”, raporton N1.
VINI RE: Ky material është pronësi intelektuale e Nova.rs
