Një pjesë e rrugës u shemb në kryeqytetin tajlandez, Bangkok, të mërkurën, duke krijuar një gropë të madhe që ndërpreu shërbimet dhe detyroi zhvendosjen e banorëve dhe makinav, thanë zyrtarët tajlandezë.
Zgavra 50 metra e thellë u përhap në rreth 900 metra katrorë përpara Spitalit Vajira dhe pranë një stacioni policie, duke ndaluar trafikun në zonë.
Videot në mediat sociale treguan rrugën që po shembej dalëngadalë, duke zvarritur shtyllat e energjisë ndërsa uji dilte nga një tub kullues.
Zyrtarët thanë se ndërtesa e spitalit nuk u prek, megjithëse shërbimet ambulatore do mbylleshin për dy ditë. Stacioni i policisë aty pranë dhe ndërtesa të tjera u evakuuan si masë paraprake.
Autoritetet dyshojnë se shembja u shkaktua nga punimet e vijueshme në një linjë treni nëntokësore.
Incidenti është i fundit në një seri dështimesh të infrastrukturës në Tajlandë. Në mars, një tra betoni nga një projekt autostrade e ngritur u shemb në një rrugë, duke vrarë të paktën pesë persona.
Incidenti është i fundit në një varg dështimesh në infrastrukturë në Tajlandë. Në mars, një tra betoni nga një projekt autostrade e ngritur u shemb në një rrugë, duke vrarë të paktën pesë persona.
Në tetor 2024, një gropë tre metra e thellë u shfaq në një kryqëzim të ngarkuar në Bangkok, me shumë mundësi e shkaktuar nga një tub uji i thyer.
