Kryeministri izraelit, Benjamin Netanyahu, deklaroi gjatë një konference për shtyp se është ftuar nga Presidenti i SHBA-së, Donald Trump, për një vizitë zyrtare në Shtëpinë e Bardhë, përcjell YNetNews.
“Kjo do të ndodhë për dy javë, të hënën pas fjalimit tim në Asamblenë e Përgjithshme. Kam zhvilluar disa biseda me të pas sulmit në Doha, të gjitha ishin shumë të mira,” tha Netanyahu.
Më herët, një zyrtar i lartë izraelit bëri të ditur se janë duke u bërë përpjekje për të organizuar një takim mes dy liderëve në kuadër të Asamblesë së Përgjithshme të Kombeve të Bashkuara, që mbahet javën e ardhshme në New York. Megjithatë, ai theksoi se ende nuk ka asgjë të konfirmuar.
Vizita e planifikuar në Shtëpinë e Bardhë vjen në një moment të rëndësishëm për marrëdhëniet SHBA-Izrael dhe mund të sinjalizojë një rikthim të komunikimeve të nivelit të lartë mes dy aleatëve të vjetër.
