Kryetari i Partisë Demokratike Lulzim Basha ka festuar sot ditëlindjen e tij të 47-të. Ai ka zbuluar përmes një postimi në rrjetet sociale, se të rinjtë e FRPD-së e kanë surprizuar atë me një tortë në formë shahu dhe sëbashku i kënduan këngën e ditëlindjes jashtë selisë blu.
Mbi tortën e veçantë në fushën e lojës së shahut shkruhej: “Edhe 100 kryetar”.
E Basha në momentin kur ka marrë thikën për të prerë tortën, ka zgjedhur të presë pikërisht kokën e mbretit.
“Me lojë shahu e paskemi, shumë e bukur….Duke ia pre kokën mbretit të zi.”- shkruan Basha i cili ditën e nesërme do të përballet me të tjera zgjedhje të rëndësishme, ato për kryetarin e Partisë Demokratike.
Kundër Bashës kandidojnë edhe tre kandidatë të tjerë: Fatbardh Kadilli, Agron Shehaj dhe Edith Harxhi.