Administrata e Ushqimit dhe Barnave në SHBA, arriti në përfundimin në një analizë të hollësishme, se vaksina e parë Covid-19 që po konsiderohet për t’u shpërndarë në SHBA, ‘plotësoi kriteret e pretenduara të suksesit’ në një studim klinik, duke sugjeruar se agjencia së shpejti do japë dritën jeshile për produktin historik.
Agjencia të martën lëshoi dy analiza të ndara, një nga shkencëtarët e saj dhe një nga prodhuesit e vaksinës, Pfizer Inc. dhe partnerit gjerman BioNTech SE.
Analiza e FDA-së nënvizoi ‘përfitime të ndryshme’ të njohura nga vaksina. Këto përfshinin ‘zvogëlimin e rrezikut të prekjes nga Covid-19 të paktën shtatë ditë pas dozës 2’.
Vaksina Pfizer kërkon dy doza për mbrojtje të plotë. Përveç kësaj, FDA-ja tha se një përfitim tjetër ishte ulja e rrezikut të prekjes nga Covid-19 pas dozës së parë dhe para dozës së dytë. Një përfitim tjetër i qartë, tha agjencia, ishte ‘zvogëlimi i rrezikut të prekjes rëndë nga Covid-19 në çdo kohë pas dozës 1’.
Referenca për zvogëlimin e mundësisë së prekjes rëndë nga virusi ishte e rëndësishme, pasi kritikët e hershëm të disa prej provave të vaksinave ishin të shqetësuar se vetëm rastet e lehta e ato të mesme u parandaluan.
