Ministri Ferit Hoxha reagoi për protestën e studentëve të drejtësisë në Maqedoninë e Veriut, të cilët kërkojnë zhvillimin e provimit të licencës në gjuhën shqipe.
Ai theksoi se përdorimi i shqipes është një e drejtë e garantuar me ligj dhe nuk duhet të kufizohet. Hoxha bëri thirrje që çështja të trajtohet institucionalisht dhe përmes dialogut, pa u politizuar.
“Studentët kërkuan një të drejtë. I ndjekim me vijimësi.
Përdorimi i gjuhës shqipe në Maqedoninë e Veriut është e drejtë që parashikohet nga legjislacioni, nuk duhet të kufizohet e as të vihet në diskutim.
Është thelbësore që kjo çështje të adresohet në mënyrë institucionale dhe përmes dialogut. Kjo çështje të mos politizohet por të trajtohet me maturi dhe përgjegjësi”, tha Hoxha.
