Të paktën 223 gra dhe 202 fëmijë janë vrarë në sulmet e përbashkëta të SHBA-së dhe Izraelit ndaj Iranit që nga 28 shkurti, deklaroi të dielën Ministria iraniane e Shëndetësisë.
Viktimat përfshijnë tri gra shtatzëna dhe 12 fëmijë nën moshën pesëvjeçare, tha ministria në një deklaratë të përcjellë nga Agjencia e Lajmeve Fars. Ministria shtoi se 41 fëmijë janë plagosur gjithashtu gjatë këtij sulmi.
Sipas deklaratës, sulmet SHBA-Izrael kanë shkaktuar dëme të konsiderueshme në infrastrukturën shëndetësore të Iranit, me 153 qendra shëndetësore të dëmtuara në mbarë vendin.
Armiqësitë janë përshkallëzuar që nga 28 shkurti, kur Izraeli dhe SHBA-ja nisën sulme të përbashkëta ndaj Iranit, duke vrarë rreth 1,200 njerëz, përfshirë Liderin e atëhershëm Suprem, Ayatollah Ali Khamenei.
Irani është hakmarrë me sulme me dronë dhe raketa duke shënjestruar Izraelin, Jordaninë, Irakun dhe vendet e Gjirit që strehojnë asete ushtarake të SHBA-së, shkruan Anadolu Agency.
