Pentagoni po dërgon një njësi ekspedicionare të marinsave dhe më shumë anije luftarake në Lindjen e Mesme, ndërsa Irani po intensifikon sulmet në Ngushticën e Hormuzit.
Sekretari amerikan i mbrojtjes Pete Hegseth ka miratuar një kërkesë nga Komanda Qendrore e Shteteve të Bashkuara për dërgimin e një elementi të një grupi amfib të gatshëm për veprim, së bashku me një njësi ekspedicionare të marinsave, e cila zakonisht përbëhet nga disa anije luftarake dhe rreth 5,000 marinsa dhe marinarë, sipas tre zyrtarëve amerikanë.
Presidenti i SHBA-së Donald Trump tha se është e pamundur që iranianët të ngrihen së shpejti kundër regjimit dhe shtoi se do ta “ndiente në kockat e tij” momentin kur lufta me Iranin duhet të përfundojë.
Pentagoni po dislokon gjithashtu një Njësi Ekspedicionare të Marinsave, një njësi reagimi të shpejtë që zakonisht përbëhet nga rreth 2,500 marinsa dhe marinarë, thanë për CNN tre zyrtarë të njohur me çështjen.
Ende nuk është e qartë se për çfarë do të përdoret kjo njësi ose ku saktësisht do të vendoset. Megjithatë, këto njësi tradicionalisht përdoren për misione si evakuime në shkallë të gjerë dhe operacione amfibe që kërkojnë lëvizje nga anijet drejt bregut, përfshirë bastisje dhe sulme. Ato kanë gjithashtu një komponent luftarak tokësor dhe ajror, dhe disa prej tyre trajnohen për operacione speciale.
Prania e tyre u jep komandantëve opsione shtesë për një sërë skenarësh të mundshëm, tha një nga burimet.
Ndërsa zyrtarët e administratës Trump kanë deklaruar se nuk ka plane aktuale për dislokimin e trupave tokësore në vend, ata gjithashtu kanë refuzuar ta përjashtojnë këtë mundësi.
Dislokimi i njësisë ekspedicionare të marinsave u raportua fillimisht nga The Wall Street Journal.
Të gjashtë anëtarët e ekuipazhit në bordin e një avioni furnizues me karburant KC-135, i cili u rrëzua të enjten në Irakun perëndimor, kanë humbur jetën, sipas Komanda Qendrore e Shteteve të Bashkuara. Në total, 13 ushtarakë amerikanë janë vrarë gjatë operacionit ushtarak të quajtur Operacioni Epic Fury, sipas ushtrisë.
Hegseth tha gjithashtu se udhëheqësi i ri suprem i Iranit ka shumë gjasa të jetë i plagosur dhe i shpërfytyruar.
NATO ka ndërhyrë për të rrëzuar një raketë në hapësirën ajrore të Turqisë për herë të tretë këtë muaj.
Disa udhëheqës iranianë morën pjesë në demonstrata pro-regjimit, pavarësisht se janë në shënjestër të sulmeve izraelite që nga fillimi i luftës.
Çmimet e naftës u rritën sërish mbi 100 dollarë për fuçi, pasi më herët kishin rënë nën këtë nivel pas vendimit të Shteteve të Bashkuara të Amerikës për t’i lejuar vendet të blejnë naftë ruse të sanksionuar që ndodhej tashmë në det.
Ngushtica e Hormuzit, një rrugë detare shumë e ngushtë, zakonisht përballon rreth 20% të rrjedhës së naftës në botë. Më shumë se 80% e naftës bruto dhe gazit natyror të lëngshëm (LNG) që kalon përmes saj është e destinuar për tregjet aziatike, kryesisht për Japoni, Kinë dhe Indi.
Që nga fillimi i luftës, trafiku detar është ngadalësuar pothuajse në minimum, pasi sulmet iraniane ndaj anijeve tregtare kanë detyruar pronarët e anijeve të pezullojnë lundrimet.
Disa nga anijet e pakta që kanë kaluar përmes ngushticës kanë transportuar kryesisht naftë iraniane.
Ndërkohë, India është në bisedime me Iran për të lejuar kalimin e të paktën 23 tankerëve që transportojnë naftë dhe LNG, të cilët kanë mbetur të bllokuar në Gjirin Persik, shkruan WSJ.
