Sultan Ahmed bin Sulayem, drejtuesi i operatorit global të porteve, ka dhënë dorëheqjen nga posti i kryetarit dhe drejtorit ekzekutiv, pas publikimit të dokumenteve të reja nga Departamenti amerikan i Drejtësisë që zbulojnë komunikime të tij me financierin e ndjerë Epstein.
Dokumentet dhe materiale të tjera të bëra publike tregojnë se bin Sulayem dhe Epstein kishin shkëmbyer email-e miqësore për vite me radhë, përfshirë mesazhe me përmbajtje vulgare. Fotografitë e publikuara më herët e vendosin biznesmenin nga Dubai në ishullin privat të Epsteinit në Karaibe.
Vëmendja u shtua këtë javë kur në Kongres u zbulua se bin Sulayem ishte “sulltani” i përmendur në një email të vitit 2019, ku Epstein shkruante: “Më pëlqeu shumë videoja e torturës.”
Emri i marrësit ishte redaktuar fillimisht, por më pas u konfirmua nga autoritetet. Zëvendës Prokurori i Përgjithshëm i SHBA-së, deklaroi në platformën X se identiteti ishte i disponueshëm i pacensuruar në dosje.
Sipas dokumenteve të publikuara, bin Sulayem kishte komunikuar me Epstein edhe para dënimit të këtij të fundit në vitin 2008 për nxitje të një të miture për prostitucion dhe kishte mbetur në kontakt me të deri në vitin 2019, kur Epstein u arrestua me akuza federale për trafikim seksual.
Email-e të publikuara nga organizata jofitimprurëse Distributed Denial of Secrets tregojnë shkëmbime të vitit 2007 mes dy burrave, ku diskutohej për një grua që të dy e njihnin. Në një rast tjetër, dokumente të mëparshme sugjerojnë se në vitin 2016 Epstein përdori emrin e biznesmenit nga Dubai për të fshehur identitetin e tij në blerjen e ishullit Great Saint James, pasi pronari nuk donte t’ia shiste atij drejtpërdrejt.
Në vitin 2019, një zëdhënës i bin Sulayem kishte deklaruar për se ai nuk ishte në dijeni të përdorimit të emrit të tij për transaksionin dhe po shqyrtonte opsione ligjore kundër raportimeve mediatike.
Dorëheqja e tij e vendos atë mes figurave të profilit të lartë që janë tërhequr këtë vit për shkak të lidhjeve me Epstein. Juristja kryesore e , Kathryn Ruemmler, njoftoi se do largohet në qershor, ndërsa drejtuesi i firmës ligjore u tërhoq nga posti i kryetarit javën e kaluar. Të dy kanë deklaruar se nuk ishin në dijeni të krimeve të Epsteinit dhe kanë shprehur keqardhje për lidhjet e tyre me të.
DP World, e cila operon mbi 60 porte dhe terminale në mbarë botën dhe është në pronësi të qeverisë së Dubait, njoftoi se Essa Kazim, kryetar i bursës së Dubait, është emëruar kryetar, ndërsa drejtori financiar i kompanisë do të marrë rolin e drejtorit ekzekutiv të grupit.
British International Investment, krahu financiar i qeverisë britanike, deklaroi se do të rifillojë investimet në kompani pas pezullimit të përkohshëm të shpallur më herët këtë javë.
Një tjetër investitor, menaxheri kanadez i fondeve të pensionit La Caisse, theksoi se është e rëndësishme të bëhet dallimi mes kompanisë dhe individit, duke konfirmuar vazhdimin e partneritetit me DP World në projektet portuale, shkruan Wall Street Journal.
