Ministria për Evropën dhe Punët e Jashtme përshëndeti paraqitjen në Kongresin e Shteteve të Bashkuara të Amerikës të projektligjit “Preshevo Valley Discrimination Assessment Bill”, i cili kërkon nga Departamenti i Shtetit të raportojë mbi trajtimin e pakicave etnike nga Serbia, me fokus të veçantë te shqiptarët në Luginën e Preshevës.
Sipas Ministrisë, ky projektligj përfaqëson një njohje institucionale të problemeve serioze me të cilat përballen shqiptarët në këtë rajon, duke përfshirë çështjen e pasivizimit të tyre. Ai konsiderohet gjithashtu një hap domethënës në adresimin serioz të këtyre problematikave në nivel ndërkombëtar.
Ministria shprehu mirënjohjen për angazhimin e SHBA-së dhe vlerësoi këtë nismë të Kongresit si një sinjal të fortë mbështetjeje për të drejtat e shqiptarëve në Luginën e Preshevës, por edhe si një kontribut për forcimin e paqes dhe stabilitetit në Ballkanin Perëndimor.
Postimi:
Deklaratë e Ministrisë për Evropën dhe Punët e Jashtme
Ministria për Evropën dhe Punët e Jashtme përshëndet paraqitjen në Kongresin e Shteteve të Bashkuara të Amerikës të projektligjit “Preshevo Valley Discrimination Assessment Bill”, i cili kërkon që Departamenti i Shtetit të raportojë mbi trajtimin e pakicave etnike nga Serbia, me fokus të veçantë te shqiptarët në Luginën e Preshevës.
Ky akt përfaqëson një njohje të rëndësishme institucionale të problematikave serioze me të cilat përballen shqiptarët në Luginën e Preshevës, veçanërisht të çështjes së pasivizimit.
Në të njejtën kohë, shënon një hap domethënës në trajtimin serioz të këtyre problematikave në nivel ndërkombëtar.
Ministria shpreh mirënjohjen për angazhimin e Shteteve të Bashkuara të Amerikës dhe vlerëson këtë nismë të Kongresit si një sinjal të fortë në mbështetje të të drejtave të shqiptarëve në Luginën e Preshevës, por edhe si kontribut të rëndësishëm për forcimin e paqes dhe stabilitetit në Ballkanin Perëndimor.
Ministria për Evropën dhe Punët e Jashtme do të vijojë të mbetet e angazhuar në ndjekjen dhe monitorimin e situatës së të drejtave të shqiptarëve në Luginën e Preshevës, si dhe në bashkëpunimin me partnerët tanë për adresimin e këtyre çështjeve.
Foto nga takimi në Tiranë me Kryetarin e Këshillit Kombëtar Shqiptar në Serbi, Enkel Rexhepi, me fokusin e veçantë në të drejtat, situatën aktuale dhe nevojat e shqiptarëve të Luginës së Preshevës.
