Ministri i Brendshëm i Venezuelës, Diosdado Cabello, tha të mërkurën mbrëma se 100 persona kanë humbur jetën gjatë sulmit të SHBA-së, i cili rrëzoi nga pushteti Presidentin Nicolás Maduro të shtunën.
Autoritetet në Caracas nuk kishin dhënë më parë një shifër të përgjithshme për të vrarët, por ushtria publikoi një listë me 23 emra të pjesëtarëve të saj të rënë.
Zyrtarët venezuelianë kanë thënë se një pjesë e madhe e truprojës së Maduro-s është vrarë “me gjakftohtësi”, ndërsa Kuba ka deklaruar se 32 pjesëtarë të forcave të saj ushtarake dhe të shërbimeve të inteligjencës në Venezuelë janë vrarë, sipas Reuters.
Cabello deklaroi gjithashtu se bashkëshortja e Maduro-s, Cilia Flores – e ndaluar së bashku me të – ka pësuar një dëmtim në kokë gjatë bastisjes së SHBA-së, ndërsa Maduro ka marrë një plagë në këmbë.
Presidentja e përkohshme e Venezuelës, Delcy Rodriguez, të cilën Cabello e lavdëroi gjatë emisionit të tij javor në televizonin shtetëror si “trime”, shpalli të martën një javë zie për anëtarët e ushtrisë të vrarë në operacion.
