Deputetja e PD, Jozefina Topalli, sqaron se debatet për zgjedhjen e Avokatit të Popullit lidhen me keqkuptimin e formave të kandidatëve. Ajo thekson se format nuk janë propozime emrash, por shprehje mbështetjeje, dhe se një deputet nuk mund të propozojë më shumë se një kandidat sipas rregullores.
“Nuk lejohet që një deputet të propozojë më shumë se një emër. Firma e një deputeti është akt politik, nuk mund të ketë më shumë se një vullnetet politike për një çështje, kjo parashikohet në Rregullore. Në seancë nuk keni asnjë propozim.
Keni pasur disa firma për mbështetje, jo për propozim. Këtu nuk keni sot as firma mbështetëse. Hiqeni nga rendi i Ditës sepse është në kundërshtim me Kushtetutën.”
