Një aksident fatal ka ndodhur rreth orës 10:05 në aksin “Shkodër – Hani i Hotit”, ku një makinë e drejtuar nga një 24-vjeçare ka përplasur një këmbësor 81-vjeçar.
Pavarësisht ndërhyrjes së shpejtë, i moshuari ka ndërruar jetë si pasojë e plagëve të marra.
Njoftimi i policisë:
Shkodër / Informacion paraprak
Rreth orës 10:05, në aksin rrugor “Shkodër – Hani i Hotit”, automjeti me drejtuese shtetasen S. S., 24 vjeçe, ka përplasur këmbësorin, shtetasin R. C., 81 vjeç.
Si pasojë e aksidentit, shtetasi R. C. ka humbur jetën.
Drejtuesja e automjetit shtetasja S. S., është shoqëruar në Komisariat për veprime të mëtejshme.
Grupi hetimor po punon për sqarimin e rrethanave të aksidentit.
