Burime pranë Hezbollah raportojnë se disa nga anëtarët e lartë të organizatës terroriste kanë kryer kirurgji plastike për të ndryshuar pamjen e tyre, si masë paraprake ndaj sulmeve të mundshme nga Forcat e Mbrojtjes së Izraelit (IDF).
Sipas raportimeve të kanalit saudit Al-Hadath, cituar nga YNetNews, dhjetëra zyrtarë të lartë që kanë qenë më parë objektiv i sulmeve kanë kryer këto ndërhyrje në Iran dhe Irak, nën mbikëqyrjen e Gardës Revolucionare.
Raporti tregon për një përpjekje të Hezbollah-it për të siguruar mbijetesën e udhëheqësve të tij dhe për të vështirësuar identifikimin nga shërbimet izraelite.
