Gazment Bardhi përsëriti sot se kryeministri Rama ka kërcënuar me telefon prokurorin e dosjes për Tunelin e Llogarasë, Dritan Prençi, për të mbrojtur zv.kryeminstren Balluku.
Ai shtoi se për këtë mjafton të verifikohen tabulatet telefonike.
“Nuk është sekret, e kam bërë publike. Disa ditë para se zonja Balluku të paraqitej në Prokurori, Rama ka marrë në telefon prokurorin dhe e ka kërcënuar. Është fakt i pamohueshëm. Mjafton që të verifikohen tabulatet,” – u shpreh Bardhi.
Sipas demokratit, kreu i qeverisë e mban në detyrë Ballukun, ministria e së cilës ka 40% të buxhetit të shtetit, për të vijuar vjedhjen e shqiptarëve.
“Ai e mban në detyrë që ajo të vazhdojë të abuzojë me tenderat. Po ndajnë në mënyrë korruptive, personale, për të vjedhur shqiptarët.” – deklaroi Bardhi.
