Policia e Vlorës ka dhënë detaje të reja për ngjarjen e rëndë të ndodhur mbrëmjen e së shtunës në fshatin Gjorm të bashkisë Selenicë, ku mbeti i vrarë 36-vjeçari Dalan Alliaj.
Sipas njoftimit zyrtar, nga hetimet paraprake është bërë e mundur identifikimi i autorit të dyshuar, Bertil Alliaji.
Pas ngjarjes, autori i dyshuar është larguar drejt zonës malore përreth, ku mendohet se po fshihet.
Vlorë/Informacion paraprak në vijim
Në vijim të informacionit paraprak të dhënë më herët, nga veprimet e para hetimore është bërë e mundur identifikimi i autorit të dyshuar të ngjarjes, shtetasit B. A., i cili dyshohet se në fshatin Gjorm ka vrarë me armë zjarri kushëririn e tij, shtetasin D. A.
Pas kryerjes së krimit, shtetasi B. A. është larguar drejt zonës malore përreth, ku dyshohet se fshihet.
Strukturat e Drejtorisë Vendore të Policisë Vlorë po vijojnë punën intensive për lokalizimin dhe kapjen e autorit të dyshuar, ndërsa nën drejtimin e Prokurorisë vijojnë veprimet hetimore për dokumentimin e plotë të ngjarjes.
