Presidentja e Komisionit Evropian, Ursula von der Leyen, ka njoftuar një sërë masash për të përshpejtuar ndalimin e të gjitha importeve të naftës dhe gazit nga Rusia.
“Ekonomia e luftës e Rusisë, e mbështetur nga të ardhurat nga lëndët djegëse fosile, po financon gjakderdhjen në Ukrainë”, shkroi von der Leyen në X, duke shtuar se Komisioni do të “propozojë përshpejtimin” e heqjes graduale të importeve ruse të lëndëve djegëse fosile.
Edhe pse nuk jep detaje të mëtejshme, plani aktual i BE-së thotë se do të ndalojë plotësisht importet e gazit rus deri në vitin 2028, ndërsa importet e naftës do të hiqen gradualisht deri në vitin 2027.
Kryetarja e Komisionit tha se pati një “bisedë të mirë” me Presidentin e SHBA-së, Donald Trump, i cili kohët e fundit lidhi sanksionet e mëtejshme të SHBA-së ndaj Rusisë me vendosjen e tarifave të larta për importet kineze nga Evropa dhe ndalimin e blerjes së naftës ruse, shkruan DW.
“Komisioni së shpejti do të paraqesë paketën e 19-të të sanksioneve, duke synuar kriptovalutat, bankat dhe energjinë”, tha von der Leyen në mediat sociale.
Mijëra njerëz kanë dalë në rrugë në Sllovaki për të protestuar kundër politikave ekonomike dhe pro-ruse të kryeministrit Robert Fico .
Kjo vjen ndërsa Fico udhëtoi për në Kinë për t’u takuar me Presidentin rus Vladimir Putin , takimi i tretë midis të dyve që nga pushtimi ushtarak në shkallë të plotë i Ukrainës nga Moska.
