Zhytësit e policisë italiane kanë kryer një pastrim të veçantë në një nga atraksionet më të njohura nënujore të Mesdheut, statujën prej bronzi “Krishti i Humnerës”, e vendosur në detin pranë bregdetit verior të Italisë që prej vitit 1954.
Duke përdorur tuba uji me presion, zhytësit hoqën shtresat e krustaceve të krijuara ndër vite mbi monumentin 2.5 metra të lartë, që paraqet Krishtin me duart e ngritura në shenjë bekimi.
Statuja u krijua duke përdorur medaljet e shkrira të ushtarëve, kanoneve dhe anijeve të rënë italiane dhe u projektua si një memorial për ata që vdiqën në det. Ajo vlerësohet këtu si një simbol i fuqishëm i sakrificës në Luftën e Dytë Botërore, dhe statuja të ngjashme gjenden pranë Key Largo, Florida dhe në Grenada.
Statuja ndodhet rreth 300 metra larg plazhit midis qyteteve turistike Portofino dhe Camogli, në bregdetin verior Ligurian të Italisë, në një thellësi prej rreth 18 metrash, shkruan AP.
Zyra arkeologjike e Ministrisë së Kulturës së Italisë thotë se, për shkak të afërsisë me bregdetin dhe thellësisë relativisht të vogël, vendi “Krishti i Humnerës” është vendi më i frekuentuar për zhytje në Mesdhe.
Çdo vit, zhytësit e pastrojnë me kujdes statujën me ujë për të hequr bakteret dhe kore gërryese që janë grumbulluar. Këtë vit, pastrimi u zhvillua më 19 gusht dhe përfshiu policinë italiane, rojen bregdetare dhe katër forca të tjera.
